عبير الإسلام
الحمد لله الذي هدانا لهذا وماكنا لنهتدي لولا أن هدانا الله
كله إلا البوس

بسم الله الرحمن الرحيم

الا البوس
الحقيقة انا احترت مرة يفتوا بجواز تقبيل الشاب للفتاة بدون حتي زواج والأن هناك من يرغب بمنع القبلات بين الأزواج
وبعد موضوع فتوي يبيح القبلات بين غير المتزوجين
 لقيت الموضوع ده علي احد المواقع المصريه ومت من الضحك علي التعليقات مش بس علي سخافه الموضوع ولا علي تفاهه قائله ولا حتي علي لزوم الموضوع من عدمه
ولكن كله كوم والتعليقات كوم تاني

 طبيب مصرى يعلن انشاء جمعية لمنع القبلات بين الأزواج
في تقليعة جديدة لا يعرف أحد الهدف منها أعلن دكتور عادل عاشور أستاذ طب الأطفال بكلية الطب جامعة القاهرة عن رغبته في انشاء جمعية لمنع القبلات بين الأصدقاء و زاد على ذلك بإعلان رغبته في منع القبلات بين الأزواج و هو الأمر الذي بدا غريبا وفجر المناقشات داخل المجتمع المصري وعن السبب الرئيسي في طرحه فكرة إنشاء الجمعية أكد دكتور عادل أن كافة الأبحاث العلمية التي نشرت في كبرى المجلات الطبية العالمية أجمعت على الأضرار الطبية الخطيرة التي يسببها تبادل القبلات من خلال انتشار العدوى من الأمراض الخطيرة الفيروسية و الميكروبية وأبرزها الأمراض الجلدية و يأتى على رأسها حب الشباب و من الأمراض الميكروبية مثل مجموعة الميكروبات العنقودية و هي ميكروبات موجودة في فم الإنسان بصورة طبيعية ,كذلك الحمى الشوكية و الأمراض الفيروسية التي تنقلها القبلة أيضا مثل الزكام و الرشح والتي يجب عدم الاستهانة بها حيث قد تصيب الخلايا المبطنة لخلايا ا لمخ و ينتج عنها ارتفاع شديد في درجة الحرارة يصعب السيطرة عليها و قد تؤدى الى الوفاة في بعض الأحيان أيضا التهاب الغدة النكفية و كذلك الحصبة الرمادية و الألمانية و الفيروسات الكبدية وأكد أن الجمعية تضم في عضويتها كافة التخصصات الطبية لشرح الآثارالسيئة للقبلة .
  وعن رأى الدين في أهداف هذه الجمعية أكد الدكتور إسماعيل معروف بجامعة الأزهر أن تعاليم الدين الأسلامى تحرم القبلة في غير الإطار الزوجي وقد أكد العلم على وجود إضرار جسيمة لذلك.
 وعن أراء المواطنين حول هذة الجمعية المزمع إنشاءها تنوعت الآراء بين الرفض و القبول كالتالي:

  التعليقات

  هذا كلام فاسد و باطل بدون تردد ، و معارض لصحيح السنة النبوية ، فقد
ثبت أن النبي صلى الله عليه و سلم كان يقبل زوجاته ، و كان يقبل
 السيدة فاطمة و الحسن و الحسين رضي الله عن الجميع ، و أفتى للشيخ
  بالقبلة في الصيام .
  أنصح الدكتور أن يبيع لب و يبطل تخاريف .
  ــــــــــــــــــــــــــــــــــــــــــــــــــــــــــــــــــــــــــــ
  وانا اقول الرئيس البوسنى مات ليه؟؟
 ـــــــــــــــــــــــــــــــــــــــــــــــــــــــــــ
  واحد يحرم البوسة بين الأزواج ، وواحد يحلل إن الواحدة ترضع زميلها ،
 ما ترسونا على بر نرضع وما نبوسش ولا نبوس وما نرضعش
  ـــــــــــــــــــــــــــــــــــــــــــــــــــــــــــــــــــــــــــــــــــــــ
  الدكتور ده اكيد معندوش شفايف
  ــــــــــــــــــــــــــــــــــــــــــــــــــــــــــــــــــــــــــ
  كل حاجة بقت مشكوك فيها وبتجيب امراض حتى البووووس اظاهر كل واحد
  حيروح يبوس نفسة فى المراايا
 ـــــــــــــــــــــــــــــــــــــــــــــــــــــــــــــــــــــ
  روح شوف العيش المسرطن ولا الشيبسى ولاالمياه المجارى ولا الخضروات
  المسرطنه والهرمونات ولالالالالا وبعدين اتكلم على البوس يا دختور
  ـــــــــــــــــــــــــــــــــــــــــــــــــــــــــــــــــــــــــــــــــــــ
  فعلا فعلا الدكتور ده يستاهل بوسه ف بؤه مش بوسه واحده لا
  ده يستاهل 80مليون بوسه من 80 مليون بوووؤ عشان تجيله كل الامراض اللى
  ف الدنيا
 ــــــــــــــــــــــــــــــــــــــــــــــــــــــــــــــ
  نحن جمعية هنبوس هنبوس حتى لو البوس بفلوس وياريت الدكتووووور
 يجى يبوس الواوا
  ـــــــــــــــــــــــــــــــــــــــــــــــــــــــــــــــــــــــــــــــــــــ
 الحياة من غير بوس زي قوله من غير مايه
  ــــــــــــــــــــــــــــــــــــــــــــــــــــــــــــــــــــــــــــــــــــــــــ
 مش عارف اقول أية مش كفاية مش لاقين نتجوز كمان اللى مجوزين مش
  حايبوسوا طب دة نسمية أية ؟؟؟؟؟؟؟؟؟؟؟؟
 ـــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــ
 اليوم تقليعة البوس ينقل الامراض الجلدية وبكرة لاتلمس جسد زوجتك لمنع
  انتشار الامراض الجلدية وبعد غدا يستحسن ابادة صنف النساء انكم تسعون
 لتحريم الحلال(واضح ان البوس عامل مشكلةللدكتور)اقولك حاجةاعمل زي
  اللمبي بلغ لجنة حروق الانسان
  ــــــــــــــــــــــــــــــــــــــــــــــــــــــــــــــــــ
  طيب ولما رغيف العيش يقع على الارض اجيبه وابوسه ولا غلط
 يا حلاوة على العلم واللي بيتعلموه
  واحب اقول لسعادة الدكتورة الفاضل ادرسلك حاجة تنفعك احسن وسيب الناس
 تبوس ياعم وبلاش وساوس
  ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
 الي يخالف قرار الحكومة
حيعتبر من جماعة الاخوان البايسين
  ــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــ
  انا عايزه اطمن الدكتور ده واقوله انه ولله الحمد معظم الازواج فى مصر
 مابيبسوش بعض اصلا !! بوس ايه يا عم بلاش قلة ادب ، هوه احنا بنتجوز
  وندفع دم قلبنا ولاد وبنات علشان نبوس !! ايه المسخره ديه !!!
  ــــــــــــــــــــــــــــــــــــــــــــــــــــــــــــــــــــــــــــــــــــــــــ
  يعنى لو واحدة اسمها بوسى تغيرة ويبقى متبوسيش بس كدة اتحلت خلاص
 مع تحيات شركه متبوسيشى لانسر
  يا عم بوس اية اللى عايز تمنعة؟؟
 ـــــــــــــــــــــــــــــــــــــــــــــــــــــــــــــــــــــــــــــــ
  دة الواحد بيبقى لسة سايب صاحبة من ربع ساعة يشوفة يقوم نازل فية
 بوس..بوس اخوى طبعا..وكمان عايز تمنعة بين
  الازواج...لا دة كدة الواحد يلحق يتجوز قبل ميبقى قرار ويتناقش فى
 مجلس الشغب
  ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
  يعني بوس الواوا دح
ـــــــــــــــــــــــــــــــــــــــــــــــــــــــــــــــــــــــــــــــــ
 على رأى الفنان محمد رضا:مش هنبوس بقى
  ــــــــــــــــــــــــــــــــــــــــــــــــــــــــــــــــــــــــــــــــــــــــ
 ممكن كل واحد قبل ما يبوس البت بتاعته يتمضمض بمحلول 'البيتادين'ويدهن
  شفايفه بردو بمحلول 'البيتادين'وبعد ميخلص البوسه يتف تلات مرات ويشرب
 كباية ....أكيد 'بيتادين'... ربنا يشفيكم

وبعدين معاهم!!!!!!!!!!!!!!!!!!!!

منقــــــــــــــــــــــــــــــــــــــــــــــــول




(14) تعليقات


Add a Comment

اضيف في 30 مارس, 2008 05:11 م , من قبل onfire
من مصر



سيدتي عبير ..

أولا بالنسبة لجمال البنا و الفتوى بتاعته ..
تراجع عنها خلاص .. إبحثي في الأمر ..!

ثانيا ..
فعلا في فيروسات كتيييييييير بتتنقل بالبوس زي مثلا EBV و هو فيروس خطير جدا كل ما أدرس مرض جديد مؤخرا ألاقيه موجود في المسببات..
بس فقط للعلم ..
الفيروس دا بيتنقل لما الواحد بيكون
" مقضيها بوس " ..
بمعنى أصح لما الواحد يبوس على الفاضي و المليان و أكتر من واحدة ..
فلا أعتقد إن تقبيل الزوج لزوجته - فقط - سيتسبب في نقل الفيروس ..

لذا فأنا أعتقد أن هذا الطبيب هو مغفل آخر ممن يدرّسون لي يوميا

دمتِ سيدتي
شكرا لمروركِ الكريم على الكافيتريا

اضيف في 15 ابريل, 2008 11:14 م , من قبل yafa64
من الأردن

غاليتي عبير أنا العرب والمسلمين مش لاقين شغلة يعني ما في في حياتنا لا هم ولا تعب ولامشاكل عشان هيك بندور على اشي نشتغل فيه فصرنا نحرف بالدين ونحرم المحلل ونحلل المحرم عشان لاقي اشي
والله أختي لن ينصرنا الله ونحن بنسيىء للدين
والا حول ولا قوة الا بالله
أختك يافا

اضيف في 21 ابريل, 2008 07:49 م , من قبل yasmina2008
من الجزائر

السلام عليكم

أختي الفـــــــــــــــــــاضلة والله

أنـــــــــــا شخصيـــــــــــا

إستغربت لهذا الموضوع لست أدري مذا يحدث

بالظبط هي مــــــــــــالها

الدنيــــــــــــــــا؟؟؟؟ ومالو ا

حال المسلمين.

هل السبب يعود بالدرجة الأولي إلي

إبتعادنـــــــــــــــا عن

ديننـــــــا الإسلامي الحنيــــــــف

أختي الفـــــــــــــاضلة أشكرك علي

الموضوع وأسعدني تواجدي في مدونتك .

اضيف في 21 ابريل, 2008 09:49 م , من قبل abeeralislam

شكرا لكم جميعا اون فايرويافا وياسمينا لمروركم الطيب

اضيف في 28 ابريل, 2008 08:05 م , من قبل foxmafia88
من مصر

كل الي اقدر اقولو انو يروح يشتغل تمرجي ماش دكتور

اضيف في 29 ابريل, 2008 11:08 ص , من قبل 1967s
من تونس

السلام عليكم ورحمة الله وبركاته

اختي الفاضلة لا استطيع ان اقول الا

الله يصلح حال المسلمين

لو تحدث هذا الدكتور عن مضار التدخين

مثلا وغيره من المصائب الي خربت الشباب

كان نفع الناس بشيء

اشكرك اختي على هذا الموضوع

دمتي في رعاية الله

(ع)عليسة اميرة قرطاج

اضيف في 29 ابريل, 2008 11:38 م , من قبل abeeralislam

شكرا فوكس مافيا 88 عي مرورك والتعليق

اضيف في 29 ابريل, 2008 11:39 م , من قبل Abeeralislam

مرحبا بك ع عليسة اميرة قرطاج واسعدني مرورك ويسعدني ان نكون اصدقاء

اضيف في 01 اغسطس, 2008 06:14 م , من قبل ninisssss
من مصر

اتمنى لك من المزيد من الاعمال الطيبة والمفيدة وارجو ترسلى لى هذا المصحف اختك وجارتك ،نانى من بورسعيد استفد من هذة المداونة عن البوس حقا ان البوس بين الاصدقاء يجلب الامراض اما بين الازواج على الاعتقاد فانة لايمكن لان الازواج حين يتزوجون يصبحو شىء واحد

اضيف في 22 اغسطس, 2008 08:48 م , من قبل najmmod
من المغرب

راجل وابن راجل خليتنا بلا بوس أحسن مندخل صوب الموضوع بلا مقدمات نتعانق نتعرى ثم ننام ذا حيقصر المسافة .والله لو كان لك حس لكنت فكرت فحاجة ثانية

اضيف في 01 سبتمبر, 2008 01:34 ص , من قبل belalco
من مصر

من الواضح ان زوجة هذا الدتور رائحة فمها تقرف المسكين يريد ان يحرم الناس كلها مثل ما هو محروم

اضيف في 18 اكتوبر, 2008 09:14 م , من قبل الفقيرة الى الله
من مصر

آآآآآآآآه ده ده البلد كلها طلعت بتبوس يخرب بي...............

اضيف في 02 مارس, 2009 12:14 م , من قبل hema200
من مصر

انا لاااوفق علي هذه الفتوه هذه فتوه


غير صحيحه اصلا واللي بيفتوها اصلا ممكن

مش مسلم اصلا ولايعرف حاجه عن الاسلام

وهو الشباب بيضحك عليه من فتوه غير

صحيحه لانهم بعدوا عن دينهم فواحد عامل

فيها شيخ مسلم وهو اصلا مش مسلم

اضيف في 31 اغسطس, 2009 02:42 م , من قبل AMAKROUS

لم أجد ماذا أقول لشدة حيرتي من هذا المقال الذي يتعارض والشريع الإسلامية إذا كان بداعي الأمراض المعدية نمنع البوس اليوم والمصافحة غدا والكلام بعد الغد احسن أن نقطع كل العلاقات الإجتماعية وكل إنسان يذهب ويعيش في جزيرة معزولة هكذا لتنتهي الإنسانية . كلام فارغ وغير منطقي لا يمده بأي صلة ولإيمان بالقضاء والقدر .حتى عنوان المقالة يستحسن إعارة النظر فيه لأنه قد يحلل حراما ويحرم حلالا.



Add a Comment

<<Home